Bagian I:
Bala ugu dina melah manuju tanggal mwang sasih
Pan brayut panamaya asigsig adyus akramas
Sinalinan wastra petak mamusti madayang batis
Sampun puput maprayoga tan aswe ngemasin mati
Bagian II:
Ikang layon ginosongan istrine tuhu satya
Depamayune matingkah eteh eteh sang parattra
Toya hening pabersihan mesi ganda burat wangi
Lengis pudak setagel semerganda merbuk harum
Bagian III:
Pusuh menuhe utama malem sampun macawisan
Tekaning don intaran bebek wangi lengis kapur
Monmon mirah windusara waja meka panca datu
Don tuwung sampun masembar sikapa kalawan taluh
Bagian IV:
Buku – buku Panyolasan Pagemelane slaka
Kewangene panylawean gagalenge satak skeet
Sampun puput pabersihan winiletan dening kasa
Tikeh alus mijil jawa lante maulat penyalin
Bagian V:
Tatindihe sutra petak rinuruban dening kasa
Anak putunya ngabakti ibunnya mungwing ayun
Ginosongan punang laywan kidunge mawanti wanti
Bedil kulkul tan karengwang gong gambang gender lan suling
Bagian VI:
Tumpangsalu palinggihan kelewaran dadi naga
Semu rimrim sanghyang atma tumoni raga kurungan
Umungguh ring damar kurung nyuluhin ring marga sanga
Tatas apadang kang marga mangungsi swarga bhuwana
Bagian VII:
Sanggar tawange bantenin sapalinggihan pabhaktian
Bedeg tipis lan sangsangan salang mote salang pipis
Sada luwih ukur mas cecanden lan ulap ulap
Angenan mapucuk manik suci katur ring bhatara
Bagian VIII:
Pepek aturane genep pisang kembang pisang jati
Bebek katur ring bhatara pinda lan bubuh pirata
Toya pangentase bwatang pangelebe mas layaran
Ulan tagane mesanding sampun puput pabresihan
Komentar