Bagian I:
Mamwit narendratmaja ring tapowana
Manganjali ryagraning indra parwata
Tan wis merti sangkan nikang hayun teka
Swa bhawa sang sajjna rakwa mangkana
Bagian II:
Mangkat dating tolih harum wulat nira
Sinambaying camara sangkaring geger
Panawanging mrak panangis nikung alas
Erang tininggal masaput saput hima
Bagian III:
Lungang lengit lampahira ngawetana
Lawan sang erawana bajra naryama
Tan warnanen desan ikang kahungkulan
Apan leyep muksa sahinganing wulat
Bagian IV:
Bhawisyati meh datengeng sura laya
Grahadi naksatra kabeh pada krama
Tejo maya purwa kadatwaning langit
Pamuktyaning janma sudhira subrata
Bagian V:
Tarangganaditya sasangka mandala
Alit katonanya sakeng swa manusa
Ageng iwa mangkana deni oh nika
Katon sakeng madya pada ngulap ulap
Bagian VI:
Wintang lewih litya leyep tiningalan
Ruhurnya sakeng sasi wimba karana
Sadohning aditya sakeng nisakara
Kadoh nikang bhumi sakeng diwakara
Bagian VII:
Tingkah nikang swarga lawan halep nika
Watang nka lalana gostya yut hawan
Pajar sang airawana ring nrepatmaja
Kading pangipyan tan irat hidepira
Bagian VIII:
Katon tikang indra pada prabhaswara
Wtan sakeng meru marep mangambara
Kutannya malwa gupuranya pat manik
Kerangning aditya sasangka nityasa
Bagian IX:
Samar diwa ratri nikang sura laya
Dening prakasatmaka sarwa bhaswara
Anghing sekarning kumudajarring kulem
Mwang cakra wakan papasah lawan priya
Komentar