Bagian I:
Om om sembah iketunan
Dumadak jwa keaksi
Munggwingpangebhaktin titiang
Dyastu langkung tuna sami
Pakirang artha wibhawa
Nista solah lawan wuwus
Muwuh banget hina budhi
Bagian II:
Kawenten sredhaning manah
Miwah katlebaning hati
Kalawan eling tan pegat
Kanggen menyanggra manyuwun
Swecan iratu sang luwih
Bagian III:
Iratu langkung pawikan
Ring manah sarwa dumadi
Ne jati kelawan boya
Ne cungah lan bhakti nulus
Ne patut kelawan rusit
Bagian IV:
Apan paduka bhatara
Ne mula nodyanin gumi
Wruh ring sekandan jagat
Salwir ne hwus kelangkung
Mangkin miwah ne kauri
Bagian V:
Sekala lawan niskala
Bhatara ngraganin sami
Bhotika ganal bhatara
Ginika alit sang luwih
Wisnawa suksma bhatara
Brahmi niskalam iratu
Pepek sami keraganin
Bagian VI:
Mogi tan kecakrabawa
Tityang iketunan sami
Kaya wak lan manah
Langggeng ngulami hyang widhi
Sang suksma maha cintya
Nirbana ciwa kasengguh
Singidan ring tampak aksi
Bagian VII:
Apan pada kaswecan
Dyastu tambet sami-sami
Mengaturang sarwa nista
Sekar sane gelis alum
Doh langkung ring padma hredhi
Bagian VIII:
Sok wenten anggen sadana
Nunas nugraha ihyang luwih
kang mungguh ring wasuh pada
ne suci mengardi luwung
dirgha yusa hayu werdhi
Komentar