Bagian I:
stuti nira tan nulus sinawuran paramartha ciwa
anaku huwus katon abhimatanta temunta kabeh
hana pangahugrahangku cadu cacti winimba sara
pasupati castra kastu pangaranya nihan wulati
Bagian II:
wuwusira sanghyang icwara mijil tang apuy ri tangan
wawang asarira katara manginditaken warayang
tinarima sang dananjaya tikang sara suksma tika
nganala sarira satmaka lawan warayang wekasan
Bagian III:
krta wara sang dananjaya manembah ati pranata
pinisalinan laras makuta tan hana kalah-alah
winara-warah sireng aji dhanur dhara sastra kabeh
krta samyang prayoga dadi suksma bhatara siwa
Bagian IV:
hana mara jdma tan papihutang brata yoga tapa
angetul aminta wirya sukaning widhi sahasika
binalik aken purunhika lewih tinemunya lara
sinakitaning rajah tamah inandehaning prihati
Bagian V:
kadi hana purwa karma dinalih sang akrya hayuulah apageh magegwana rasagma budhi tepet
ya juga sudhira munggu rimanahnira sang nipuna
karananikang suka byudaya niskala yan katemu
Bagian VI:
syapa kari tan nemuh hayu masedhana sarwa hayu
nyata katemwaning hala masedhana sarwa hala
tewas alisuh manangsaya puraktra tapa tinut
sakaharepan kasiddha maka darcana pandhu suta
Komentar